నటుడు రాజేంద్ర కుమార్: ఉదయ్ కిరణ్ మరణం అవకాశాలు లేక డిప్రెషన్ వల్లే; తన జీవితంలోని సంఘటనను పంచుకున్నారు

నటుడు రాజేంద్ర కుమార్ ఉదయ్ కిరణ్ మరణం గురించి మాట్లాడారు. సినిమా అవకాశాలు లేకపోవడం వల్లే ఉదయ్ కిరణ్ డిప్రెషన్‌కు గురై ఆత్మహత్య చేసుకున్నారని ఆయన అన్నారు.

రాజేంద్ర కుమార్ మాట్లాడుతూ, సినీ పరిశ్రమలో చాలామంది నటులు ఏళ్ల తరబడి అవకాశాలు లేకుండా ఉండాల్సి వస్తుందని, ఆ సమయంలో డిప్రెషన్ మొదలవుతుందని తెలిపారు. తనకు కూడా ఇలాంటి పరిస్థితి ఎదురైందని, ఒకసారి ఆత్మహత్య చేసుకోవాలనుకున్నానని చెప్పారు.

ఆ సంఘటనను వివరిస్తూ, నాలుగు వైపులా దారులు మూసుకుపోయినట్టు అనిపించి, కారులో హైదరాబాద్ నగరమంతా ఏడుస్తూ తిరిగానని చెప్పారు. ఎర్రగడ్డలోని ఒక చర్చి దగ్గర కారు ఆపగా, వర్షం మొదలైందని, ఆ సమయంలో ఒక బిచ్చగాడు ప్లాస్టిక్ షీట్ తీసుకుని తడవకుండా దాక్కోవడం చూశానని, అతని జీవితాశ చూసి నేను కూడా కష్టపడి బతకాలని నిర్ణయించుకున్నానని చెప్పారు.

రాజేంద్ర కుమార్, ఉదయ్ కిరణ్‌తో కలిసి దాదాపు 45 రోజుల పాటు తేజ దర్శకత్వంలో ఒక సినిమాలో నటించానని, ఉదయ్ చాలా సరదా వ్యక్తి అని గుర్తు చేసుకున్నారు. ప్రస్తుతం తాను దేవుడి మీద నమ్మకం గురించి సందేహంగా ఉన్నానని, కానీ ఆ క్షణంలో తనను ఆపిన శక్తి ఏదో ఒకటి ఉందని భావిస్తున్నట్టు చెప్పారు.