రామాయణ సినిమా ప్రమోషన్ల కోసం రూ.375 కోట్ల బడ్జెట్

దర్శకుడు నితీశ్ తివారి, నటుడు రణబీర్ కపూర్ ప్రధాన పాత్రలో వస్తున్న ‘రామాయణ’ సినిమా మార్కెటింగ్ కోసం రూ.375 కోట్ల బడ్జెట్ కేటాయించింది. ఇది భారతీయ సినిమా చరిత్రలో అత్యధిక ప్రచార బడ్జెట్.

ఈ మొత్తంలో అంతర్జాతీయ డిస్ట్రిబ్యూటర్ సోనీ పిక్చర్స్ రూ.235 కోట్లు పెట్టుబడి పెట్టగా, నిర్మాతలు అదనంగా రూ.140 కోట్లు కేటాయించారు. శాన్ డియాగో కామిక్ కాన్ వంటి గ్లోబల్ ఈవెంట్లలో సినిమాను ప్రమోట్ చేయడానికి చిత్ర బృందం ప్రణాళిక రూపొందించింది.

ఇప్పటివరకు ఇతర భారతీయ పాన్-ఇండియా చిత్రాల ప్రచార ఖర్చుల వివరాలు: ‘కల్కి 2898 ఏడీ’ సుమారు రూ.100 కోట్లు, ‘ఆర్ఆర్ఆర్’ రూ.80 కోట్లు, ‘బాహుబలి 2’ రూ.60 కోట్లు, ‘2.0’ మరియు ‘జవాన్’ చిత్రాలు ఒక్కొక్కటి దాదాపు రూ.50 కోట్లు ఖర్చు చేశాయి.

భారీ ప్రచారాలు చేపట్టిన ‘కల్కి’, ‘ఆర్ఆర్ఆర్’, ‘జవాన్’, ‘కేజీఎఫ్ 2’ వంటి చిత్రాలు ప్రపంచవ్యాప్తంగా రూ.1000 కోట్లకు పైగా వసూళ్లు నమోదు చేశాయి. ఈ విజయ సూత్రాన్ని అనుసరించి ‘రామాయణ’ నిర్మాతలు భారీ ప్రమోషన్ బడ్జెట్ పెట్టినట్లు విశ్లేషకులు భావిస్తున్నారు.