లాస్ ఏంజిల్స్‌లో రామాయణ పార్ట్ 1 వరల్డ్ ప్రీమియర్: క్రిటిక్స్ ప్రశంసలు

రామాయణ పార్ట్ 1 సినిమా వరల్డ్ ప్రీమియర్ లాస్ ఏంజిల్స్‌లో జరిగింది. ఈ ప్రీమియర్‌కు ఇంటర్నేషనల్ క్రిటిక్స్, హాలీవుడ్ ప్రేక్షకులు హాజరయ్యారు.

ఈ సినిమాను క్రిటిక్స్ “ఎపిక్ వండర్”గా అభివర్ణించారు. దర్శకుడు నితీష్ తివారి విజన్, నిర్మాత నమిత్ మల్హోత్ర ప్రొడక్షన్ వ్యాల్యూస్ రామాయణను టైమ్‌లెస్ క్లాసిక్‌గా నిలుపుతాయని వారు చెప్తున్నారు. ఆస్కార్ విజేత నమిత్ మల్హోత్ర సంస్థ ప్రైమ్ ఫోకస్ నిర్మాణ బాధ్యతలు చూస్తోంది.

నటీనటుల పాత్రలపై కూడా సమీక్షలు వచ్చాయి. రాముడి పాత్రలో రణ్వీర్ కపూర్ స్క్రీన్ ప్రెజెన్స్, నటన ప్రధాన ఆకర్షణగా నిలిచాయని క్రిటిక్స్ పేర్కొన్నారు. సీత పాత్రలో సాయి పల్లవి నటనకు ప్రశంసలు లభించాయి. రావణుడిగా యష్ నటన సినిమాకు అతిపెద్ద ఆకర్షణగా మారిందని హాలీవుడ్ ప్రేక్షకులు కూడా ప్రశంసిస్తున్నారని సమాచారం.

పార్ట్ 2 పై ఆసక్తి పెంచేలా క్లైమాక్స్ రూపొందించిన తీరుపై ప్రశంసలు వస్తున్నాయి. అయితే VFX విషయంలో కొన్ని చిన్న లోపాలను పట్టించుకోకుండా చూడాలనే చర్చ కూడా జరుగుతోంది. ఈ విషయాన్ని యష్ ముందే చెప్పారని కొందరు అంటున్నారు.

మొత్తంగా ఈ ఎపిక్ డ్రామా మంచి సినిమాటిక్ ఎక్స్‌పీరియన్స్ ఇస్తుందని లాస్ ఏంజిల్స్ ప్రీమియర్ రిపోర్ట్ తెలుపుతోంది. విజువల్స్, నటీనటుల నటన సినిమాను థియేటర్‌లో చూడదగిన చిత్రంగా నిలిపాయని క్రిటిక్స్ చెప్తున్నారు.