నితేష్ తివారి 'రామాయణం' లో సూర్పణఖ లుక్ పై సోషల్ మీడియాలో చర్చ

దర్శకుడు నితేష్ తివారి దర్శకత్వంలో రూపొందుతున్న 'రామాయణం' చిత్రంపై ప్రపంచవ్యాప్తంగా భారీ అంచనాలు నెలకొన్నాయి. ఈ చిత్రంలో నటుడు రణ్బీర్ కపూర్ రాముడిగా, యశ్ రావణాసురుడిగా, నటి సాయి పల్లవి సీతగా, రకుల్ ప్రీత్ సింగ్ సూర్పణఖగా నటిస్తున్నారు.

పురాణాల ప్రకారం సూర్పణఖ అసలు రూపం వికారంగా ఉంటుంది. కానీ రాముడిని ఆకర్షించడానికి ఆమె మాయా శక్తితో అత్యంత అందమైన రూపాన్ని ధరిస్తుంది. లక్ష్మణుడు ముక్కు కోసిన తర్వాతే ఆమె రాక్షస రూపం బయటపడుతుంది.

ఈ నేపథ్యంలో సూర్పణఖ లుక్ పై సోషల్ మీడియాలో ఆసక్తికర చర్చ జరుగుతోంది. రకుల్ ప్రీత్ సింగ్ సూర్పణఖ పాత్రలో సీత పాత్రలో నటిస్తున్న సాయి పల్లవి కంటే అందంగా కనిపిస్తున్నారని నెటిజన్లు అభిప్రాయపడుతున్నారు. ఈ చర్చ చిత్రంపై ఆసక్తిని మరింత పెంచుతోంది.