ఇన్కమ్ ట్యాక్స్ డే ముందు వాకథాన్: రణదీప్ హుడా జెండా ఊపి ప్రారంభం

న్యూఢిల్లీ: జులై 24న వచ్చే ఇన్కమ్ ట్యాక్స్ డే సందర్భంగా ఇన్కమ్ ట్యాక్స్ డిపార్ట్‌మెంట్ ఒక వాకథాన్ నిర్వహించింది. ఈ కార్యక్రమాన్ని బాలీవుడ్ నటుడు రణదీప్ హుడా జెండా ఊపి ప్రారంభించారు. ఈ సందర్భంగా ఆయన మాట్లాడుతూ, ప్రతిరోజూ నడవడం అనేది అందరికీ అత్యంత ఉత్తమమైన వ్యాయామం అని అభిప్రాయపడ్డారు. 'మీరు మరే వ్యాయామం చేయలేకపోయినా, ప్రతి రోజు అరగంట నుంచి 45 నిమిషాలు నడిస్తే చాలు, అది మీ ఆరోగ్యానికి ఎంతో మేలు చేస్తుంది. మొండి కొవ్వు కూడా నడక వల్లే కరుగుతుంది' అని రణదీప్ వివరించారు. నడక చేసేటప్పుడు గుండె వేగం తక్కువగా ఉండేలా చూసుకోవాలని, దాని కోసం 220 నుంచి మీ వయసును తీసివేసి, 65% లెక్కించినప్పుడు వచ్చే హార్ట్ రేట్ ను లక్ష్యంగా పెట్టుకుంటే సరిపోతుందని సూత్రాన్ని కూడా ఆయన పంచుకున్నారు. ఈ సందర్భంగా ఆయన ఇన్కమ్ ట్యాక్స్ డిపార్ట్‌మెంట్ ఇచ్చిన టీ-షర్టును ధరించారు. 'ప్రధానమంత్రి నరేంద్ర మోదీ ఫిట్ ఇండియా మూవ్‌మెంట్ ను ఎంతగానో ప్రోత్సహిస్తున్నారు. పన్ను చెల్లింపుదారులంతా తమ విధి నిర్వహిస్తూ దేశ నిర్మాణంలో భాగస్వాములు కావాలి' అని రణదీప్ అన్నారు. ఇన్కమ్ ట్యాక్స్ డే సందర్భంగా ప్రజల్లో పన్ను చెల్లింపు అవగాహన, ఫిట్‌నెస్ పట్ల శ్రద్ధ పెంచే ఉద్దేశంతో ఈ వాకథాన్ నిర్వహించినట్లు అధికారులు తెలిపారు. 1860 నుంచి జులై 24న ఇన్కమ్ ట్యాక్స్ డేగా జరుపుకుంటున్నారు. ప్రతి ఏటా ఈ రోజున డిపార్ట్‌మెంట్ ఇలాంటి ప్రజా చైతన్య కార్యక్రమాలు నిర్వహిస్తోంది.