సోమవారం, చతుర్దశి, ఆరుద్ర నక్షత్రం కలిసిన అరుదైన సందర్భంలో సోమారామ క్షేత్రంలో విశేష అభిషేకాలు

భీమవరంలోని పంచారామ క్షేత్రంగా ప్రసిద్ధి చెందిన సోమారామ శ్రీ సోమేశ్వర జనార్ధన స్వామి దేవాలయంలో సోమవారం, జ్యేష్ఠ మాస చతుర్దశి, ఆరుద్ర నక్షత్రం ఒకే రోజు కలిసి రావడం భక్తులకు అరుదైన పండగగా మారింది. చాలా ఏళ్ల తర్వాత ఈ కలయిక సంభవించినట్లు ఆలయ ప్రధాన అర్చకులు రామకృష్ణ శర్మ తెలిపారు.

ఈ విశేష సందర్భాన్ని పురస్కరించుకుని మహాన్యాస పూర్వక ఏకాదశ రుద్రాభిషేకాలు, ప్రత్యేక అభిషేకాలు వైభవంగా నిర్వహించారు. తెల్లవారుజాము నుంచే భక్తులు భారీగా పోటెత్తారు. మధ్యాహ్నం వరకు సుమారు 50 వేల మంది భక్తులు స్వామివారిని దర్శించుకుని తీర్థ ప్రసాదాలు స్వీకరించినట్లు ఆలయ వర్గాలు తెలిపాయి.

అర్చకులు రామకృష్ణ శర్మ మాట్లాడుతూ, "ఈ అరుదైన కలయికతో వచ్చిన భక్తులందరికీ శివుని ఆశీస్సులు ఉండాలని, వారు సంతోషంగా, ఆర్థికంగా బలపడాలని కోరుకుంటున్నాం" అని అన్నారు.