ఎన్నికల హామీలు నెరవేర్చాలని రేషన్ డీలర్ల సంఘం డిమాండ్

తెలంగాణ అసెంబ్లీ ఎన్నికల మేనిఫెస్టోలో ఇచ్చిన హామీలను నెరవేర్చాలని చౌకధరల దుకాణాల డీలర్ల సంక్షేమ సంఘం అధ్యక్షుడు నాయికోటి రాజు డిమాండ్ చేశారు.

హైదరాబాద్ ఎర్రమంజిల్‌లోని పౌర సరఫరాల శాఖ కమిషనర్ స్టీఫెన్ రవీంద్రను ఆయన మర్యాదపూర్వకంగా కలిశారు. బ్యాలెట్ విధానంలో జరిగిన ఎన్నికల్లో తనను సంఘం అధ్యక్షుడిగా రేషన్ డీలర్లు ఎన్నుకున్నారని నాయికోటి రాజు తెలిపారు.

డీలర్ల గౌరవ వేతనం, కమిషన్ పెంపు, జీవిత బీమా వంటి అంశాలపై దృష్టి పెట్టాలని ఆయన ప్రభుత్వాన్ని కోరారు. సమస్యలను ఒకే గొంతుతో ప్రభుత్వానికి తెలియజేసేందుకు ఈ ఎన్నికలు నిర్వహించినట్లు వివరించారు.

ప్రస్తుతం రాష్ట్రంలోని డీలర్లు ఎదురుచూస్తున్న సమస్యల పరిష్కారానికి కృషి చేస్తామని నాయికోటి రాజు హామీ ఇచ్చారు.