మారుతి దర్శకత్వంలో రవితేజ కొత్త సినిమాకు అంగీకారం

మారుతి దర్శకత్వంలో రవితేజ కొత్త సినిమా రూపొందనుంది. ఇటీవల మారుతి రాసుకున్న కథను మొదట వరుణ్ తేజ్‌కు నరేట్ చేసినా ఆయన ఆసక్తి చూపించలేదు. అనంతరం అదే కథ రవితేజకు చెప్పగా ఆయన వెంటనే తేదీలు కేటాయించారు.

మారుతి గత చిత్రం 'రాజాసాబ్' విడుదలైన తర్వాత కొత్త సినిమా ఒప్పందం కుదుర్చుకోలేదు. ఇప్పుడు రవితేజతో సినిమా కుదరడంతో మారుతి మళ్లీ పుంజుకున్నారు. ప్రస్తుతం రవితేజ 'ఇరుమూడి' చిత్రంలో నటిస్తున్నారు. ఆ తర్వాత హసిత్ గోలి దర్శకత్వంలో శ్రీ విష్ణుతో ఓ మల్టీ‌స్టారర్ చేయాలని ఆయన భావిస్తున్నారు.

ఈ రెండు చిత్రాలు అక్టోబర్ నుంచి సెట్స్‌పైకి వెళ్లే అవకాశం ఉందని సమాచారం. మారుతి కథకు రవితేజ అంగీకరించడంతో ఈ ప్రాజెక్టుపై అంచనాలు పెరిగాయి.