RAW NTR Committee: తమకు రాజకీయ మద్దతు లేదు, స్వతంత్రంగా పనిచేస్తున్నాం

RAW NTR Committee రాజకీయ పార్టీల మద్దతు ఉన్నదనే ఆరోపణలను ఖండించింది. తమకు ఎవరి రాజకీయ మద్దతు లేదని, తాము స్వతంత్రంగా పని చేస్తున్నామని కమిటీ స్పష్టం చేసింది.

ఈ మేరకు కమిటీ ప్రతినిధి ఒక ఇంటర్వ్యూలో మాట్లాడుతూ, 'మా వెనకాల ఎవరూ లేరు. నటుడు NTR పట్ల ఆప్యాయతతో మేము సామాజిక సేవ చేస్తున్నాం' అని తెలిపారు.

తమ గురించి తప్పుడు సమాచారం ఇవ్వడం వల్లే NTR నుండి స్పందన రాలేదని వారు వివరించారు. ప్రస్తుతం ఆ సందేహాలు తొలగిపోయాయని చెప్పారు. ప్రభుత్వం తమ సేవలను గుర్తించి, కలిసి పనిచేసేందుకు ఆసక్తి చూపితే ముందుకొస్తామన్నారు.

ప్రభుత్వం అమలు చేస్తున్న P4 పథకం గురించి తమకు పూర్తి వివరాలు లేవని, అయితే ప్రభుత్వం ఆహ్వానిస్తే భాగస్వామ్యం అవుతామని కమిటీ స్పష్టం చేసింది. కమిటీలో టెక్నికల్ టీం, లీగల్ టీం, మోటివేటర్లు ఉన్నట్లు తెలిపింది. అవసరమైన కుటుంబాలను దత్తత తీసుకొని సహాయం చేయడం, సామాజిక సేవా కార్యక్రమాలు చేపట్టడం తమ లక్ష్యమని పేర్కొంది.