RAW NTR ఫ్యాన్స్ వివాదం: జూనియర్ NTR తో సంబంధం ఏమిటి?

జూనియర్ NTR అభిమానుల మధ్య పెద్ద గందరగోళం నెలకొంది. రాయ ఎన్టీఆర్ ఫ్యాన్స్ అనే సంస్థ తిరుపతిలో ఒక కార్యక్రమం నిర్వహించాలని ప్రయత్నిస్తుండటంతో అభిమానుల్లో తీవ్రమైన కన్ఫ్యూజన్ ఏర్పడింది.

జూనియర్ NTR ఫ్యాన్స్ స్టేట్ కన్వీనర్ కృష్ణ యాదవ్ మాట్లాడుతూ రాయ ఎన్టీఆర్ ఫ్యాన్స్ సంస్థకు NTR కు ఎలాంటి సంబంధం లేదని స్పష్టం చేశారు. ఇది రిజిస్టర్ అయిన సంస్థ కాదని, అభిమానులు ఎవరూ ఈ కార్యక్రమంలో పాల్గొనవద్దని, ఫండింగ్ చేయవద్దని హెచ్చరించారు.

ఊరువాడా కార్యక్రమం పేరుతో సుమారు 100 కోట్ల రూపాయలతో గ్రామీణ ప్రాంతాల్లో సేవా కార్యక్రమాలు నిర్వహిస్తామని రాయ ఎన్టీఆర్ ఫ్యాన్స్ ప్రకటించింది. ఇది NTR స్ఫూర్తితో నడిచే స్వచ్ఛంద సంస్థగా పని చేస్తుందని చెప్తున్నారు.

మరోవైపు రాయ ఎన్టీఆర్ ఫ్యాన్స్ మాత్రం 18వ తారీకు తిరుపతిలో పెద్ద ప్రకటన చేస్తామని చెప్తున్నారు. ఈ వ్యవహారం సోషల్ మీడియాలో పెద్ద ఎత్తున వైరల్ అవుతుండటంతో ఇంటెలిజెన్స్ కూడా ఆరా తీస్తున్నట్టు సమాచారం.

తిరుపతి వేదికగా ఈ కార్యక్రమం నిర్వహించాలనుకోవడం వెనక రాజకీయ ఉద్దేశాలు ఉన్నాయా అనే అనుమానాలు వ్యక్తమవుతున్నాయి. NTR కార్యాలయం నుంచి కూడా ఈ సంస్థతో తమకు ఎలాంటి సంబంధం లేదని స్పష్టం చేశారు. ఈ వ్యవహారంపై మరిన్ని వివరాలు 18వ తారీకు తర్వాత తెలియనున్నాయి.