RAW NTR Team ప్రెస్ మీట్: ‘రాజకీయ మద్దతు ఆరోపణలు అవాస్తవం, మా వెనుక ఎవరూ లేరు’

RAW NTR Team తమపై వస్తున్న రాజకీయ పార్టీల మద్దతు ఆరోపణలను ఖండించింది. తాజా ప్రెస్ మీట్‌లో మాట్లాడిన సభ్యులు, తమ వెనుక ఎవరూ లేరని, హీరో జూనియర్ ఎన్టీఆర్ మీద ప్రేమతోనే పనిచేస్తున్నామని స్పష్టం చేశారు.

గత కొన్ని రోజులుగా టీమ్ వెనుక ఒక పెద్ద పార్టీ ఉందని, వారు ఆ పార్టీకి బీటీమ్‌గా ఉన్నారనే వార్తలు వచ్చాయి. ఈ విషయంలో హీరో ఎన్టీఆర్ ఒక లేఖ రాశారని టీమ్ తెలిపింది. కొందరు హీరోకు తప్పుడు సమాచారం ఇవ్వడంతో ఆయన భయపడి లేఖ రాసి, తమను కలవలేదని వివరించారు.

తాము హీరో ఫోటో, పేరు ఉపయోగించడం లేదని, ఆయన కూడా అలా చేయొద్దని చెప్పారని సభ్యులు పేర్కొన్నారు. పత్రికా సభ్యుల ద్వారా ఈ విషయాలు తెలిశాయని, ఇదంతా అపార్థమని చెప్పారు. తమ ప్రోగ్రాం బలంగా కొనసాగుతోందని, వెనుక ఎవరో ఉన్నట్టు ప్రచారం చేస్తున్నారని ఆవేదన వ్యక్తం చేశారు.