RAW NTR టీం ‘ఊరువాడ’ కార్యక్రమం, ఎన్టీఆర్ మీల్ సేవల గురించి వివరించారు

RAW NTR టీం ప్రతినిధులు విలేకరుల సమావేశంలో మాట్లాడుతూ తమ ‘ఊరువాడ’ కార్యక్రమం, ‘ఎన్టీఆర్ మీల్’ సేవల గురించి వివరించారు.

సంస్థ నిర్వాహకులు తెలిపిన వివరాల ప్రకారం, ఎన్టీఆర్ మీల్ కింద వాలంటీర్లు ఆహార ప్యాకెట్లను నేరుగా అవసరమైన వారికి చేరవేస్తారు. ఈ విధానం ఫుడ్ డెలివరీ యాప్ల మాదిరిగా ఉన్నప్పటికీ వాలంటీర్లకు ఎలాంటి ప్రోత్సాహకాలు ఉండవని, స్వచ్ఛంద సేవగానే ఇది కొనసాగుతుందని వారు చెప్పారు.

సంస్థ నిర్వహణకు సెంటర్ ఇంచార్జీలు, కోర్ కమిటీ వంటి నిర్మాణాలు ఉన్నాయి. కోర్ కమిటీలో లీగల్, వాలంటీర్ వెల్ఫేర్, ఎన్ఆర్ఐ డివిజన్, ఆడిటింగ్, ఫీల్డ్ ఆపరేషన్స్, డిజిటల్ మీడియా, విలేజ్ కమ్యూనిటీ అడ్మినిస్ట్రేషన్ సహా 20కిపైగా విభాగాలు ఉన్నట్లు ప్రతినిధులు తెలిపారు.

సేవ చేసే క్రమంలో కొన్ని కథనాల వల్ల ఇబ్బందులు ఎదురైనా, ఎన్టీఆర్ స్ఫూర్తితో తమ సేవలను కొనసాగిస్తామని టీం సభ్యులు అన్నారు. తాము చేసే సేవ నలుగురికి ఉపయోగపడేలా చూసుకోవడమే లక్ష్యమని వారు పేర్కొన్నారు.