RAW NTR టీమ్ సాయి రూప్ ప్రెస్ మీట్: 'నా జీవనోపాధి నా ఉద్యోగం'

RAW NTR టీమ్ ప్రెస్ మీట్ లో టీమ్ సభ్యుడు సాయి రూప్ తన ఆర్థిక నేపథ్యం గురించి వివరాలు వెల్లడించారు. ఆయన మాట్లాడుతూ తాను మిడిల్ క్లాస్ ఫ్యామిలీకి చెందినవాడినని, తాతగారు సర్పంచ్, భూస్వామి అయినా నాన్నగారి తరువాత ఆస్తి ఏమీ మిగలలేదని చెప్పారు. కాలేజీలో క్యాంపస్ ప్లేస్మెంట్ ద్వారా చెన్నైలోని ఒక కంపెనీలో ఉద్యోగం సంపాదించినట్లు తెలిపారు. ఆరు సంవత్సరాలుగా అదే కంపెనీలో కొనసాగుతున్నానని, కంపెనీ ఆఫీస్ చెన్నైలో ఉన్నందున అక్కడే ఆపరేషనల్ ఆఫీస్ ఏర్పాటు చేసుకున్నామని వివరించారు. ప్రతి నెల ఐదు రోజులు ఆంధ్రప్రదేశ్ వస్తుంటానని, ప్రాజెక్టు పనులు ఇక్కడే జరుగుతాయని స్పష్టం చేశారు.