ఓటు హక్కును నిర్లక్ష్యం చేయొద్దు: రాజ్యసభ ఎంపీ రేణుక చౌదరి

రాజ్యసభ ఎంపీ రేణుక చౌదరి ఓటర్ నమోదు, ఓటర్ల జాబితా సవరణ విషయంలో ప్రజలు అప్రమత్తంగా ఉండాలన్నారు. ఓటు హక్కును ప్రజాస్వామ్యంలో అత్యంత శక్తివంతమైన ఆయుధంగా ఆమె అభివర్ణించారు.

దీనిని నిర్లక్ష్యం చేయడం వల్ల రాజ్యాంగ హక్కులను కోల్పోయే ప్రమాదం ఉందని రేణుక హెచ్చరించారు. ఎన్నికల రోజు అందరూ సమానమని, ఆ రోజు ఏ తుపాకీ, బుల్లెట్ కూడా పనికిరావని ఆమె పేర్కొన్నారు.

ఓటు అమ్ముడవుతుందని లేదా తమకు నచ్చిన నాయకుడు లేడనే ఉదాసీనత సరికాదన్నారు. తమ పేరు ఓటరు జాబితాలో ఉందో లేదో ప్రతి ఒక్కరూ సరిచూసుకోవాలని, ఓటు హక్కును తప్పక వినియోగించుకోవాలని రేణుక చౌదరి పౌరులకు సూచించారు.