కొడంగల్‌లో రేవంత్ రెడ్డి పర్యటన: పోలీస్ స్టేషన్లు, కళాశాలలు ప్రారంభం

తెలంగాణ ముఖ్యమంత్రి రేవంత్ రెడ్డి తన నియోజకవర్గం కొడంగల్‌లో మూడు రోజుల పర్యటన చేస్తున్నారు. పర్యటన రెండో రోజు ఆయన పలు అభివృద్ధి కార్యక్రమాల్లో పాల్గొన్నారు. బొమ్మరాస్పేటలో ప్రభుత్వ జూనియర్ కళాశాలను, పోలీస్ స్టేషన్ భవనాన్ని ఆయన ప్రారంభించారు.

మధ్యాహ్నం కొడంగల్‌కు చేరుకుని పోలీస్ స్టేషన్, సర్కిల్ కార్యాలయాలను ప్రారంభిస్తారు. మధ్యాహ్నం 1:15కి దుద్యాల మండలంలో పోలీస్ స్టేషన్, సమీకృత మండల కార్యాలయ భవనాలను ప్రారంభిస్తారు. 2:10కి కోస్గి చేరుకుని సైన్స్ మ్యూజియాన్ని ప్రారంభిస్తారు. మూడు గంటలకు దౌలతాబాద్ మండలం బాలంపేటలో ప్రాథమిక ఆరోగ్య కేంద్రాన్ని ప్రారంభిస్తారు. నాలుగు గంటలకు దౌలతాబాద్‌లో ప్రభుత్వ జూనియర్ కళాశాలను ప్రారంభిస్తారు.

పర్యటన తొలి రోజు ఆయన అక్కింపేట ఎడ్యుకేషనల్ హబ్‌లో పర్యటించారు. దాదాపు 100 మంది పారిశ్రామికవేత్తలతో పెట్టుబడులపై చర్చించారు. రాష్ట్ర ప్రభుత్వం తీసుకొచ్చిన RARE పాలసీ కింద కొడంగల్ నియోజకవర్గంలో పెట్టుబడులు పెట్టాలని ఆయన కోరారు. ఇప్పటికే కొన్ని ఇండస్ట్రియల్ కార్డులు ఏర్పాటు చేశారు.

ఈరోజు రేవంత్ రెడ్డి పుట్టిన రోజు కావడంతో పాటు దీపావళి కూడా. ఉదయం 9:45కి అక్కింపేటలో స్వయం సహాయక మహిళా బృందాలతో సమావేశం ఉండాల్సింది. స్పీకర్ గడ్డం ప్రసాద్ కుమార్, మంత్రులు, ఎమ్మెల్యేలు, ఎమ్మెల్సీలు నివాసానికి వచ్చి శుభాకాంక్షలు తెలపడంతో ఆ కార్యక్రమం సాయంత్రానికి వాయిదా పడింది. మంత్రులు దామోదర్ రాజా నరసింహ, తుమ్మల నాగేశ్వరరావు, సీతక్క పర్యటనలో పాల్గొంటున్నారు.

పర్యటన మూడో రోజు రైతు మేళాలు, భారీ బహిరంగ సభ నిర్వహించనున్నారు. ఈ సభలో రాష్ట్రవ్యాప్తంగా కొత్త పెన్షన్లను ముఖ్యమంత్రి చేతుల మీదగా అందజేయనున్నారు. దీనికి సంబంధించిన ఏర్పాట్లను అధికారులు పూర్తి చేశారు.