హైదరాబాద్‌లో సెప్టెంబర్ 1 నుంచి ఆరు రూట్లలో RTC రాత్రి బస్సు సర్వీసులు

హైదరాబాద్‌లో సెప్టెంబర్ 1 నుంచి RTC ప్రత్యేక రాత్రి బస్సు సర్వీసులు ప్రారంభం కానున్నాయి. మొదటి దశలో ఆరు రూట్లలో ఈ బస్సులు నడుస్తాయి.

ప్రస్తుతం రాత్రి 11 గంటల తర్వాత హైదరాబాద్‌లో RTC, మెట్రో, MMTS సేవలు అందుబాటులో ఉండవు. దీంతో ప్రయాణికులు ఆటోలు, క్యాబులపై ఆధారపడాల్సి వస్తోంది. రాత్రి డ్యూటీలు చేసే software ఉద్యోగులు, హోటల్, రెస్టారెంట్, షాపింగ్ మాల్ సిబ్బందికి ప్రయాణ ఇబ్బందులు ఎదురవుతున్నాయి.

కొత్త సర్వీసుల్లో సికింద్రాబాద్–కొండాపూర్, హైటెక్ సిటీ, పటాన్‌చెరు, బాచుపల్లి మార్గాలు ఉంటాయి. కోటి నుంచి హైటెక్ సిటీ మీదుగా పటాన్‌చెరుకు బస్సులు నడుస్తాయి. ప్రయాణికుల సంఖ్యను బట్టి ప్రతి 30 నిమిషాల నుంచి గంటకు ఒక బస్సు నడిపే అవకాశం ఉంది.

మహిళలకు ఈ రాత్రి బస్సుల్లో ఉచిత ప్రయాణ సదుపాయం ఉంటుందని తెలుస్తోంది. మొదటి ఆరు రూట్లలో ఫలితాలు చూసిన తర్వాత హైదరాబాద్ మొత్తం సర్వీసులు విస్తరించే ఆలోచన ఉంది. రాత్రి ప్రయాణానికి సురక్షితమైన ప్రత్యామ్నాయం లభిస్తుందని ప్రయాణికులు భావిస్తున్నారు.