సాయి కృష్ణ మిస్సింగ్ కేసు: CCTV ఫుటేజ్, DVR హార్డ్ డిస్కులు కోర్టుకు సమర్పణ

లంక సాయి కృష్ణ మిస్సింగ్ కేసులో దర్యాప్తు వేగంగా సాగుతోంది. SIT బృందం మూడు రోజుల విచారణ నివేదికను దిశా ACB అధికారి దైవప్రసాద్ నుండి స్వీకరించింది. ఈ నివేదికలో సాంకేతిక ఆధారాలతో పాటు సాయి కృష్ణ తల్లి విజయలక్ష్మి స్టేట్మెంట్, పోలీసుల స్టేట్మెంట్లు కూడా పొందుపరచబడ్డాయి.

ఇవాళ SIT బృందం సాయి కృష్ణ నివాసానికి చేరుకుని అతని తల్లి విజయలక్ష్మి స్టేట్మెంట్ను రికార్డు చేస్తున్నారు. మరోవైపు కృష్ణలంక పోలీస్ స్టేషన్ CCTV కెమెరాలలో రికార్డు అయిన ఫుటేజ్‌కు సంబంధించిన హార్డ్ డిస్కులు మరియు DVR లను కోర్టుకు సమర్పించనున్నారు.

సాయి కృష్ణ తల్లి విజయలక్ష్మి దాఖలు చేసిన పిటిషన్ పై కోర్టు ఇటీవల ఆర్డర్లు జారీ చేసింది. CI నాగరాజు కాల్ డేటా మరియు పోలీస్ స్టేషన్ CCTV కెమెరా రికార్డ్స్ భద్రపరచాలని కోర్టు ఆదేశించింది. కోర్టు ఉత్తర్వుల మేరకు ఫోరెన్సిక్ బృందాలు హార్డ్ డిస్కులు మరియు DVR లను సీజ్ చేసి బ్యాకప్ తీసుకున్నాయి. ఈ రోజు వాటిని సీల్డ్ కవర్లో కోర్టుకు సమర్పించనున్నారు. ఈ మిస్సింగ్ కేసులో స్టేషన్ CCTV ఫుటేజ్ కీలక ఆధారంగా మారనుందని సమాచారం.