సాయి కృష్ణ లాకప్ డెత్: న్యాయ విచారణకు పిటిషన్, సిట్ కౌంటర్

సాయి కృష్ణ లాకప్ డెత్ కేసులో న్యాయ విచారణ జరిపించాలని కోరుతూ ఆయన తల్లి విజయలక్ష్మి విజయవాడ జిల్లా కోర్టులో పిటిషన్ దాఖలు చేశారు. ఈ పిటిషన్‌పై సిట్ కౌంటర్ దాఖలు చేసింది.

మెజిస్ట్రేటియల్ విచారణ ఇప్పటికే కొనసాగుతోందని, చట్టాలకు లోబడి విచారణ జరుగుతోందని సిట్ తెలిపింది. న్యాయ విచారణ అవసరం లేదని కౌంటర్‌లో పేర్కొంది.

విజయలక్ష్మి వేసిన మరో పిటిషన్‌లో కృష్ణలంక పోలీస్ స్టేషన్ తో పాటు విజయవాడ నగరంలోని అన్ని పోలీస్ స్టేషన్ల సిసి కెమెరా ఫుటేజీని భద్రపరచాలని కోరారు. ఈ ఫుటేజీ కేసుతో సంబంధం లేదని సిట్ కోర్టుకు తెలియజేసింది. కృష్ణలంక స్టేషన్ సిసి ఫుటేజీ దాదాపు ఏడాదిగా అదృశ్యమైన విషయాన్ని ప్రస్తావించారు.

రెండు పిటిషన్లపై సోమవారం విచారణ జరపాలని కోర్టు నిర్ణయించింది. కుటుంబ సభ్యులు ఒకే శాఖకు చెందిన పోలీసులు విచారణ చేయడం వల్ల న్యాయం జరగదని, కుట్ర కోణం ఉందని ఆరోపిస్తున్నారు. మెజిస్ట్రేట్ విచారణలో భాగంగా ఎవరైనా తమ ఆధారాలు, అభిప్రాయాలు చెప్పవచ్చని సిట్ తెలిపింది.