'రామాయణ'లో సీత పాత్రపై సాయి పల్లవికి బాలీవుడ్‌లో మిశ్రమ స్పందన

నితీశ్‌ తివారీ దర్శకత్వంలో తెరకెక్కుతున్న 'రామాయణ' సినిమాలో సీతగా సాయి పల్లవి నటిస్తున్నట్లు ప్రకటించారు. ఈ ఎంపికపై బాలీవుడ్‌లో భిన్న అభిప్రాయాలు వ్యక్తమవుతున్నాయి.

సీనియర్ నటుడు అన్నూ కపూర్ మాట్లాడుతూ, సీత పాత్రకు సాయి పల్లవి సరైన ఎంపిక కాదని వ్యాఖ్యానించారు. మరోవైపు రామానంద్‌ సాగర్ 'రామాయణ' సీరియల్‌లో సీతగా నటించిన దీపికా చిక్లీ స్పందిస్తూ, 'ఆమె లుక్ రివీల్ కాకుండా ఇప్పుడే ఎలా నిర్ణయిస్తాం?' అని అన్నారు.

సాయి పల్లవి సహజ నటన, భావోద్వేగ సన్నివేశాల్లో ఆమె ప్రతిభకు మద్దతుగా కొందరు నిలుస్తున్నారు. అందుకే దర్శకుడు ఆమెను సీతగా తీసుకున్నారని వారు అభిప్రాయపడుతున్నారు.

గతంలో ఓ ఈవెంట్‌లో సాయి పల్లవి హిందీ ఉచ్చారణపై ట్రోలింగ్ నేపథ్యంలో, సీత పాత్రకు మరొక నటితో డబ్బింగ్ చెప్పించొచ్చనే రూమర్లు వచ్చాయి. ప్రస్తుతం 'రామాయణ' ట్రైలర్ విడుదలను మేకర్స్ వాయిదా వేస్తున్నారు. ఆ ట్రైలరే అనుమానాలకు పటాపంచలు చేస్తుందని అంచనా.