హైదరాబాద్‌లో గణేష్ విగ్రహాల ఎత్తు 16 అడుగులకు పరిమితం

హైదరాబాద్‌లో రాబోయే వినాయక చవితి ఉత్సవాల సందర్భంగా గణేష్ విగ్రహాల ఎత్తు 16 అడుగులకు మించకూడదని పోలీస్ కమిషనర్ ఎం. సజ్జనార్ ఆదేశాలు జారీ చేశారు. పెద్ద ఎత్తున విగ్రహాల వల్ల ఊరేగింపు సమయంలో ఎదురయ్యే సమస్యలను దృష్టిలో పెట్టుకుని ఈ నిర్ణయం తీసుకున్నారు.

విద్యుత్ తీగలు, ఫ్లైఓవర్లు, మెట్రో స్టేషన్ల వంటి అవరోధాలు, ట్రాఫిక్ సమస్యలు వల్ల నిమజ్జన సమయంలో రథాల తరలింపు కష్టమవుతోందని సజ్జనార్ వివరించారు. అన్ని ప్రాంతాల్లో ఈ నియమాన్ని కచ్చితంగా పాటించాలని ఆదేశించారు. విగ్రహాల తయారీదార్లతో సమావేశమై చిన్న విగ్రహాలను మాత్రమే తయారు చేయాలని సూచించారు.

ఇప్పటికే కొన్ని ప్రాంతాల్లో 18-20 అడుగుల వరకు భారీ విగ్రహాలు తయారైయ్యాయి. అడ్వాన్స్ బుకింగ్లు కూడా పూర్తిచేశారు. ఈ కొత్త నియమం ఇప్పటికే రెడీ అయిన విగ్రహాలకు ఎలా వర్తిస్తుందనే అంశంపై స్పష్టత లేదు.

ఖైరతాబాద్‌లో సంప్రదాయ బడా గణేష్ విగ్రహం (ఎత్తు 69 అడుగులు) తయారీ విడిగా జరుగుతోంది. దీని నిమజ్జనం ప్రత్యేకంగా నిర్వహించడంతో ఈ విగ్రహంపై 16 అడుగుల పరిమితి ఉండదని భావిస్తున్నారు. గణేష్ నవరాత్రి వేడుకలు శాంతియుతంగా సాగేలా పోలీస్ శాఖ ముందస్తు చర్యలు చేపడుతోంది.