సమంత గర్భం: ‘మా ఇంటి బంగారం’ షూటింగ్‌లో దర్శకురాలు నందిని రెడ్డి వెల్లడి

నటి సమంత ప్రధాన పాత్రలో నటించిన ‘మా ఇంటి బంగారం’ చిత్రం ఇటీవల విడుదలైంది. నందిని రెడ్డి దర్శకత్వం వహించిన ఈ సినిమా విజయోత్సవ కార్యక్రమంలో సమంత తాను గర్భిణిని అని అధికారికంగా ప్రకటించారు.

అయితే, షూటింగ్ సమయంలోనే నందిని రెడ్డికి ఈ విషయం తెలిసిందని ఒక ఇంటర్వ్యూలో ఆమె వెల్లడించారు. ‘ఆదియా’ పాట షూటింగ్‌ను మొదట నాలుగు రోజులు అనుకున్నామని, సమంతకు జ్వరం రావడంతో దాన్ని రెండు రోజులకు కుదించాల్సి వచ్చిందని నందిని చెప్పారు.

ఆ తర్వాత కూడా తరచూ జ్వరం రావడంతో, తానే అడిగినప్పుడు సమంత తన గర్భం గురించి చెప్పారని నందిని తెలిపారు. వెంటనే డాన్స్ మాస్టర్ వద్దకు వెళ్లి, సమంత ఆరోగ్యం బాగా లేదని, ఎక్కువ రిహార్సల్స్ చేయించవద్దని కోరారు. యాక్షన్ సన్నివేశాలు, కార్ యాక్సిడెంట్, ఛేజింగ్ సీన్లను తర్వాత చిత్రీకరించామని, మూడున్నర తర్వాత నీడలో షూట్ చేయించామని నందిని వివరించారు. సమంతపై ఒత్తిడి పడకుండా జాగ్రత్త పడ్డామని ఆమె చెప్పారు.

ఈ చిత్రం తర్వాత సమంత కొంతకాలం విరామం తీసుకుంటున్నట్లు ప్రకటించారు.