విజయవాడలో సరస్ మేళా, విజయవాడ ఉత్సవం ఈ నెల 13 నుంచి 30 వరకు; రాష్ట్రపతి 15న హాజరు

విజయవాడలో సరస్ మేళా, విజయవాడ ఉత్సవం ఈ నెల 13 నుంచి 30 వరకు జరుగనున్నాయి. ఎంపీ కేసినేని శివనాథ్ అలియాస్ చిన్ని ఈ వివరాలు తెలిపారు.

పున్నమి ఘాట్‌లోని 18 ఎకరాల్లో ఈ కార్యక్రమాలు నిర్వహిస్తారు. దేశంలోని వివిధ రాష్ట్రాల డ్వాక్రా మహిళల ఉత్పత్తులతో 650 స్టాల్స్ ఏర్పాటు చేస్తున్నారు. 2500 మంది ప్రతినిధులు పాల్గొంటారని ఎంపీ తెలిపారు.

ఈ నెల 15న భారత రాష్ట్రపతి ముఖ్య అతిథిగా హాజరవుతారు. వివిధ రాష్ట్రాల ఆహార విశేషాలతో ఫుడ్ ఫెస్టివల్ నిర్వహిస్తారు. కబడ్డీ, వాలీబాల్ పోటీలు కూడా జరుగుతాయి. ఢిల్లీ తర్వాత విజయవాడలో ఈ మేళాను కేంద్ర ప్రభుత్వం NRLM ద్వారా నిర్వహిస్తోంది.