'పెట్టే తాళం' పాట వివాదంపై సత్య స్పందన

‘పెట్టే తాళం’ సినిమా పాటపై నటుడు సత్య స్పందించారు. ఈ పాటలో అశ్లీలత ఉందని సోషల్ మీడియాలో విమర్శలు రావడంతో పాటు సత్యపై ట్రోలింగ్ జరిగింది.

ఈ విషయంపై ఆయన ఓ ఇంటర్వ్యూలో మాట్లాడుతూ, “ఈ పాట చేయాల్సి వచ్చినందుకు నేను తొలుత విచారించాను. కానీ ఓ ఆర్టిస్టుగా సినిమాకి అప్పటికే కమిట్ అయిఉన్నాను. సినిమా యూనిట్ నన్ను నమ్మకంతో ఈ క్యారెక్టర్ ఇచ్చింది. సెట్లోకెళ్లాక వెనక్కి తగ్గితే వారికి నష్టం. అదే కాకుండా, నేను చేసిన క్యారెక్టర్లో అశ్లీలత లేదు. పాట వల్గర్ అయినా, నా పాత్ర వల్గర్ కాదు.” అని వివరించారు.

చాలా మంది తనను చూసి ‘నీ నుంచి ఇలా ఎక్స్పెక్ట్ చేయలేదు’ అని చెప్పడంతో నవ్వి ఊరుకున్నానని సత్య తెలిపారు. జరిగిపోయిన దాని గురించి ఇకపై చర్చించడం వృథా అని అన్నారు.

జబర్దస్త్ షోతో పాపులర్ అయిన సత్య ఫ్యామిలీ ఇమేజ్ ఉన్న నటుడు. ఈ నేపథ్యంలో ఈ పాట వివాదం ఆయన అభిమానుల్లో నిరాశను కలిగించింది.