ఆషాడ శుక్ల ఏకాదశి (తొలి ఏకాదశి) విశిష్టత: చాతుర్మాసం, దక్షిణాయనం ఆరంభం

ప్రతి ఏడు 26 ఏకాదశులు వస్తాయి. వాటిలో సయన ఏకాదశి, ఉద్ధాన ఏకాదశి ప్రత్యేకమైనవి. ఆషాడ శుద్ధ ఏకాదశిని సయన ఏకాదశి అంటారు.

ఈ ఏకాదశి నాడు విష్ణువు పాలకడలిలో నిద్రిస్తాడని, ఆయన అంతర్ముఖుడై ధ్యానంలో ఉంటాడని పురాణాల్లో చెప్పారు. రాక్షస సంహారం వల్ల అలసిపోయిన విష్ణువు శరీరం నుండి ఏకాదశి అనే దేవత ఉద్భవించింది.

ఆమె మూడు వరాలు కోరింది: తిధులన్నిట్లో ప్రాముఖ్యత పొందాలని; ఏకాదశి నాడు ఉపవాసం ఉండి విష్ణు స్మరణ చేసేవారికి పునర్జన్మ లేకుండా ఉండాలని; విష్ణువును ఆరాధించే వారికి ఇహ-పర లాభాలు కలగాలని.

తొలి ఏకాదశి నుండి చాతుర్మాస దీక్ష ప్రారంభమవుతుంది. నాలుగు నెలల పాటు విష్ణువు ఆరాధన చేయాలి. అదే రోజు నుండి గోపద్మ వ్రతం కూడా మొదలవుతుంది.

ఆషాడ శుక్ల ఏకాదశి నుండి దక్షిణాయనం ప్రారంభమవుతుంది. దక్షిణాయనంలో పితృ కార్యాలు ప్రధానంగా చేస్తారు.

ఈ ఏకాదశికి ఎంతో విశిష్టత ఉంది. భక్తులు ఉపవాసం ఉండి విష్ణు నామ సంకీర్తన చేస్తారు.