నల్గొండలో ఎస్బీఐ బ్యాంకు ఆధ్వర్యంలో ఉచిత వృత్తి శిక్షణ కార్యక్రమం

నల్గొండలో ఎస్బీఐ బ్యాంకు ఆధ్వర్యంలో గ్రామీణ యువత కోసం ఉచిత వృత్తి శిక్షణ కార్యక్రమం ప్రారంభించారు. ఈ కార్యక్రమంలో ఏసీ, ఫ్రిడ్జ్ రిపేర్, డ్రోన్ ఆపరేటింగ్, ఫొటోగ్రఫీ, కంప్యూటర్ కోర్సులు, టైలరింగ్, డ్రైవింగ్ తదితర 74 రకాల కోర్సులు నేర్పిస్తున్నారు.

కోర్సు వ్యవధి 3 నుంచి 4 నెలలు. శిక్షణ పూర్తిగా ఉచితం. శిక్షణార్థులకు ఉచిత భోజనం, దూర ప్రాంతాల నుంచి వచ్చే వారికి హాస్టల్ సౌకర్యం కూడా కల్పిస్తున్నారు.

శిక్షణ పూర్తయ్యాక సొంతంగా వ్యాపారం పెట్టుకోవాలనుకునే వారికి ఎస్బీఐ రుణ సహాయం అందిస్తోంది. ఇప్పటివరకు 13 వేల మంది ఇక్కడ శిక్షణ పొందగా, కొందరు ఉద్యోగాలు పొందారు, మరికొందరు స్వంత వ్యాపారాలు ప్రారంభించారు.