శని గ్రహ వాతావరణంలో వజ్రాల వర్షం - శాస్త్రవేత్తలు వివరణ

శని గ్రహం వాతావరణంలో వజ్రాలు తయారవుతున్నాయని శాస్త్రవేత్తలు తెలిపారు. ఏటా 1000 టన్నుల వజ్రాలు తయారవుతున్నట్లు అంచనా.

సౌర కుటుంబంలో శని గ్రహం రెండవ అతిపెద్ద గ్రహం. శని గ్రహంపై నీరు, మంచు ఉండవు. అక్కడ వాతావరణం అత్యంత వేడి, పీడనం, మెరుపులతో నిండి ఉంటుంది. గంటకు 1800 కిలోమీటర్ల వేగంతో గాలులు వీస్తాయి.

ఈ వాతావరణంలో హైడ్రోజన్, హీలియం తో పాటు మీథేన్ వాయువు ఉంటుంది. మెరుపు తుఫాన్ల వల్ల మీథేన్ అణువులు విడిపోయి కార్బన్ గా మారతాయి. ఈ కార్బన్ కణాలు గ్రహం లోపలికి పడిపోతాయి. లోపలికి వెళ్ళే కొద్దీ పీడనం పెరుగుతుంది. పెరిగిన పీడనం కారణంగా కార్బన్ మొదట గ్రాఫైట్ గా, తర్వాత స్వచ్ఛమైన వజ్రాలుగా మారుతుందని శాస్త్రవేత్తలు వివరించారు.

జ్యోతిష్యంలో శని కష్టాలకు కారణమని చెబుతారు. కానీ శాస్త్రీయంగా ఇది వజ్రాల తయారీకి అనుకూలమైన గ్రహంగా నిలిచింది.