శంభో శివ శంభో రీరిలీజ్: Friendship Day సందర్భంగా 4K లో తిరిగి థియేటర్లకు

తెలుగు ప్రేక్షకులను నవ్వులతో మరియు భావోద్వేగాలతో అలరించిన మల్టీ స్టార్ చిత్రం శంభో శివ శంభో మరోసారి థియేటర్లలో సందడి చేయనుంది. 2010 లో సంచలనం సృష్టించిన ఈ సినిమాను Friendship Day స్పెషల్ గా 4K నాణ్యతతో ఆగస్టు 1న ప్రపంచవ్యాప్తంగా రీరిలీజ్ చేయనున్నట్లు మేకర్స్ అధికారికంగా ప్రకటించారు.

శనివారం సాయంత్రం 5:04 గంటలకు శంభో శివ శంభో 4K ట్రైలర్ విడుదల చేయనున్నారు. సినిమా టికెట్ బుకింగ్స్ జూలై 25 నుంచి ప్రారంభించనున్నట్లు మేకర్స్ ప్రకటించారు. రవితేజ, అల్లరి నరేష్, శివ బాలాజీ ప్రధాన పాత్రలలో నటించిన ఈ చిత్రం స్నేహం, భావోద్వేగాలు మరియు కుటుంబ విలువలతో ప్రేక్షకులను విశేషంగా ఆకట్టుకుంది. అప్పట్లో మంచి విజయాన్ని అందుకున్న ఈ చిత్రం ఇప్పుడు అత్యాధునిక 4K విజువల్ క్వాలిటీతో మరోసారి ప్రేక్షకుల ముందుకు రానుంది.

Friendship Day సందర్భంగా స్నేహితులతో కలిసి ఈ క్లాసిక్ సినిమాను పెద్ద తెరపై మళ్ళీ చూసేందుకు సినీ అభిమానులు ఆసక్తిగా ఎదురుచూస్తున్నారు. సినిమాలో అల్లరి నరేష్ చెప్పే డైలాగ్ ఇప్పటికే Social Media లో ట్రెండ్ అవుతోంది.