‘కింగ్’ బడ్జెట్ ఓవర్ రన్ వార్తలను ఖండించిన దర్శకుడు సిద్ధార్థ్ ఆనంద్

షారుక్ ఖాన్ నటిస్తున్న ‘కింగ్’ సినిమా బడ్జెట్ అంచనాలను మించిపోయినట్లు వస్తున్న వార్తలను దర్శకుడు సిద్ధార్థ్ ఆనంద్ ఖండించారు. మీడియాలో వస్తున్న ఊహాగానాలు తప్పని, బడ్జెట్ పూర్తి అదుపులోనే ఉందని ఆయన స్పష్టం చేశారు.

2026 క్రిస్మస్ సందర్భంగా విడుదల కానున్న ఈ చిత్రం షారుక్ ఖాన్ కెరీర్లోనే అత్యధిక బడ్జెట్ సినిమాగా రూపొందుతోంది. సుమారు 400 కోట్ల వ్యయంతో నిర్మిస్తున్నట్లు బాలీవుడ్ వర్గాలు తెలిపాయి. కొన్ని మీడియా సంస్థలు రూ.450 కోట్లు ఖర్చయినట్లు పేర్కొనగా, సిద్ధార్థ్ ఆనంద్ ఆ వార్తలను నిరాధారంగా కొట్టిపారేశారు.

ఈ సినిమాలో షారుక్ ఖాన్ కుమార్తె సుహానా ఖాన్ తొలిసారి నటిస్తోంది. దీపికా పదుకోణి, రాణి ముఖర్జీ, అభిషేక్ బచ్చన్, అనిల్ కపూర్ తదితర స్టార్ నటులు ప్రధాన పాత్రలు పోషిస్తున్నారు.

రెడ్ చిల్లీస్ ఎంటర్టైన్మెంట్, ఇతర నిర్మాణ సంస్థల సంయుక్తంగా నిర్మిస్తున్న ఈ చిత్రం షూటింగ్ మే నెలలో ప్రారంభమైంది. ఆగస్టు నెలలో తదుపరి షెడ్యూల్ ప్రారంభిస్తామని నిర్మాతలు తెలిపారు.