గురువారం నాటి జ్యోతిష్య ప్రాముఖ్యత: గురు అర్ధదృష్టి ప్రభావం

గురువారానికి అధిపతి గురువు (బృహస్పతి) అని జ్యోతిష్య శాస్త్రం పేర్కొంటోంది. జాతకంలో గురువు యొక్క అర్ధదృష్టి చాలా ప్రత్యేకమైనది. గురువు తన స్థానం నుండి 5, 7, 9 వ స్థానాలను చూస్తాడు.

5 వ స్థానాన్ని చూడటం వల్ల సంతాన దోషాలు నివారింపబడతాయని, సంతానం జీవితంలో పురోగతి సాధిస్తుందని చెబుతారు. 7 వ స్థానాన్ని చూడటం వల్ల దాంపత్య జీవితంలో విభేదాలు, ఆలస్య వివాహం వంటి దోషాలు తొలగిపోతాయని విశ్వసిస్తారు. 9 వ స్థానాన్ని చూడటాన్ని భాగ్యదృష్టి అంటారు. దీనివల్ల పూర్వజన్మ సుకృతం కలిసి వస్తుందని, ఆకస్మికంగా ధన లాభం కలుగుతుందని నమ్ముతారు.

గురు బలాన్ని పెంచుకోవడానికి ప్రతిరోజు స్నానం తర్వాత "అభీష్ట వరదాం దేవం సర్వజ్ఞం సురపూజితం, సర్వ కార్యార్థ సిద్ధ్యర్థం ప్రణమామి బృహస్పతిం సదా" అనే మంత్రాన్ని 21 సార్లు (కనీసం 11 సార్లు) జపించాలని సూచించారు. ఇది బృహస్పతి అనుగ్రహానికి దోహదం చేస్తుందని విశ్వాసం.