సింహరాశి వారపు ఫలితాలు: ఖర్చులు పెరిగినా తగిన ఆదాయం

ఈ వారం సింహరాశి వారికి శుభాశుభ ఫలితాలు మిశ్రమంగా ఉంటాయని జ్యోతిష్య ఫలితాల్లో పేర్కొన్నారు. ఉద్రేకంగా మాట్లాడడం వల్ల దగ్గరి వారితో అభిప్రాయ భేదాలు రావచ్చు. అందుకే ఆచి తూచి మాట్లాడాలని సూచించారు.

కుజుడు వ్యయ స్థానంలో ఉండడం వల్ల ఆకస్మిక ఖర్చులు రావచ్చు. వైద్యం సంబంధ ఖర్చులు కూడా ఈ కోవలోకి వస్తాయి. ఖర్చులు పెరిగినప్పటికీ తగిన ఆదాయం వస్తుందని ఫలితంలో తెలిపారు. శుభకార్యాల్లో పాల్గొంటారు.

భూమి, స్థిరాస్తి, వ్యాపార లాభాలకు సంబంధించిన ఒప్పందాలు రెండు మూడు రోజులు ఆలస్యం కావచ్చు. వారం చివర్లో వచ్చే శుక్రవారం, శనివారం వ్యవహారాలు అనుకూలంగా ఉంటాయి.

పిల్లల నుంచి శుభవార్తలు అందుతాయి. దాంతో కుటుంబంలో సంతోషం ఉంటుంది. చిన్న అవాంతరాలు, ఆకస్మిక ప్రమాదాల నుంచి తప్పించుకుంటారు. ఉపశమనం కోసం ఇష్టదైవాన్ని పూజించాలని సూచించారు.