స్కైరూట్ ఏరోస్పేస్ ‘విక్రమ్-1’: తొలి ప్రైవేట్ ఆర్బిటల్ రాకెట్ త్వరలో ప్రయోగం

స్కైరూట్ ఏరోస్పేస్ సంస్థ తయారు చేసిన ‘విక్రమ్-1’ అనే ఆర్బిటల్ రాకెట్ను త్వరలో ప్రయోగించేందుకు సిద్ధమైంది. భారత్లో తొలిసారిగా ఓ ప్రైవేట్ సంస్థ కక్ష్య రాకెట్ను అభివృద్ధి చేసి లాంచ్ సైట్కు తరలించడం ఇదే తొలిసారి. ఈ ప్రయోగం భారత అంతరిక్ష రంగంలో కీలక మైలురాయిగా నిలవనుంది. ప్రపంచవ్యాప్తంగా చాలా తక్కువ కంపెనీలు మాత్రమే క్రమం తప్పకుండా ఆర్బిటల్ రాకెట్ ప్రయోగాలు నిర్వహిస్తున్న నేపథ్యంలో స్కైరూట్ ఏరోస్పేస్ చూపిన ఈ సామర్థ్యం ప్రత్యేకమైనది. విక్రమ్-1 రాకెట్ బహుళ-దశల వాహక నౌక. ఇది మూడు ఘన ఇంధన దశలు, ఒక ఆర్బిటల్ సర్దుబాటు మాడ్యూల్తో రూపొందించబడింది. ఈ రాకెట్ భూకక్ష్యలో ఒకేసారి పలు ఉపగ్రహాలను ప్రవేశపెట్టగలదు. పూర్తిగా కార్బన్ ఫైబర్తో నిర్మించిన తొలి రాకెట్ ఇది; చాలా తేలికగా, సామర్థ్యంతో రూపొందించారు. అన్ని లిక్విడ్ ఇంజన్లు మెటల్ 3డి ప్రింటింగ్ ద్వారా తయారు చేశారు. ఇలాంటి వినూత్న డిజైన్, ప్రాసెస్ ఇన్నోవేషన్లతో విక్రమ్-1ను తీర్చిదిద్దినట్లు సంస్థ తెలిపింది. భారత ప్రైవేట్ స్పేస్ రంగానికి ఇదొక గర్వకారణమని, త్వరలో తొలి పరీక్షా ప్రయోగం నిర్వహించనున్నట్లు వెల్లడించింది. ప్రయోగానికి సంబంధించిన ఖచ్చితమైన తేదీని ఇంకా ప్రకటించలేదు.