సోనమ్ వాంగ్చుక్ నిరాహారదీక్షకు నటి సోనాక్షి సిన్హా మద్దతు; శాంతియుత నిరసన కొనసాగించాలని విజ్ఞప్తి
ప్రముఖ బాలీవుడ్ నటి సోనాక్షి సిన్హా.. సామాజిక కార్యకర్త సోనమ్ వాంగ్చుక్ నిరాహారదీక్షకు మద్దతు తెలిపారు. ఢిల్లీ జంతర్మంతర్లో నిరాహారదీక్ష చేపట్టిన వాంగ్చుక్ ను ఢిల్లీ పోలీసులు కొద్దిసేపు అదుపులోకి తీసుకున్నారు. ఆయన తర్వాత విడుదలయ్యారు.
సోనాక్షి సోషల్ మీడియాలో ఒక వీడియో షేర్ చేశారు. ఈ వీడియోలో ఆమె మాట్లాడుతూ.. 'సోనమ్ సార్కు జరిగింది సరైంది కాదు. ఈ ఉద్యమంలో పాల్గొంటున్న వారంతా శాంతి, గౌరవంతో నిలబడటం చూస్తున్నాను. చాలా రోజుల నిరాశ, కష్టాల తర్వాత కూడా అహింసాయుతంగా సాగుతున్న మీ పోరాటానికి హ్యాట్సాఫ్' అన్నారు.
20వ తేదీన జరగనున్న మార్చిలో పాల్గొనే వారికి ఆమె ఒక విజ్ఞప్తి చేశారు. 'మీ గొంతు బలంగా వినిపించండి. కానీ శాంతి, ఐక్యత, గౌరవాన్ని కొనసాగించండి. ప్రతి పౌరుడికి ప్రశ్నించే హక్కు ఉంది. మీరు శాంతిగా, ఆశతో ముందుకు సాగుతున్నారు. ఇదే ఈ ఉద్యమానికి బలం' అని పేర్కొన్నారు.
లఢక్ ప్రాంతాన్ని ఆరో షెడ్యూల్ పరిధిలోకి తీసుకురావాలని సోనమ్ వాంగ్చుక్ డిమాండ్ చేస్తున్నారు. 'చర్చల ద్వారా పరిష్కారం లభిస్తుందని, ప్రతి ఒక్కరి గొంతుకూ విలువ లభిస్తుందని ఆశిస్తున్నాను' అని సోనాక్షి తన వీడియోలో తెలిపారు.
వార్త ఆధారాలు: పబ్లిక్ న్యూస్ బ్రాడ్కాస్ట్లు, అధికారిక అప్డేట్లు, ఉషా కిరణం ఎడిటోరియల్ ప్రమాణాలు.
సవరణల కోసం సంప్రదించండి: help@ushakiranam.com
