26 రోజుల దీక్షపై విమర్శలకు సోనమ్ వాంగ్‌చుక్ స్పందన

సామాజిక కార్యకర్త సోనమ్ వాంగ్‌చుక్ తన 26 రోజుల నిరాహార దీక్షపై వచ్చిన విమర్శలపై స్పందించారు. దీక్ష ముగించేందుకు తెరవెనుక ఒప్పందం చేసుకున్నారనే ఆరోపణలు తిప్పికొట్టారు.

తన దీక్ష పవిత్రతను నిరూపించుకోవడానికి ఎవరి నుంచి క్యారెక్టర్ సర్టిఫికెట్ తీసుకోవాలని ఆయన ప్రశ్నించారు. 26 రోజుల దీక్షలో 11 కిలోల బరువు తగ్గినట్లు, కండరాల శక్తి క్షీణించి మెదడుకు తీవ్ర నష్టం వాటిల్లిందని తెలిపారు.

లడఖ్‌లో తీవ్రమైన చలి నుంచి ఢిల్లీ వేడి వాతావరణంలోకి వచ్చి, రోడ్డు పక్కన ఆందోళన చేసిన తనకు ఒప్పందం చేసుకోవాల్సిన అవసరం లేదని అన్నారు. ఒప్పందం కుదిరితే ఆకలితో 26 రోజులు గడపాల్సిన అవసరం ఉండేది కాదని ప్రశ్నించారు.