స్పైడర్‌మ్యాన్ బ్రాండ్ న్యూ డే జూలై 31న విడుదల; తొలి వీకెండ్‌లో $130–190 మిలియన్లు ఆశ

Spider-Man: Brand New Day చిత్రం జూలై 31న విడుదలకు సిద్ధమవుతోంది. ఈ చిత్రం తొలి వారాంతంలో $130 మిలియన్ల నుండి $190 మిలియన్ల వసూళ్లు సాధించవచ్చని హాలీవుడ్ ట్రేడ్ వర్గాలు అంచనా వేస్తున్నాయి.

2021లో వచ్చిన Spider-Man: No Way Home తొలి వీకెండ్‌లో $260 మిలియన్ల వసూళ్లతో రికార్డు నమోదు చేసింది. ప్రస్తుతం విడుదల కానున్న బ్రాండ్ న్యూ డే ఆ రికార్డును అధిగమించే అవకాశం ఉందని విశ్లేషకులు పేర్కొంటున్నారు.

ఈ చిత్రంలో గత భాగం క్లైమాక్స్‌ను కొనసాగిస్తూ, డాక్టర్ స్ట్రేంజ్ మంత్రం కారణంగా ప్రపంచం మొత్తం పీటర్ పార్కర్‌ను మర్చిపోవడంతో, టోనీ స్టార్క్ టెక్నాలజీ, అవెంజర్స్ సహాయం లేకుండా పీటర్ ఒంటరిగా న్యూయార్క్ వీధుల్లో నేరాలను అడ్డుకునే స్ట్రీట్ లెవెల్ సూపర్‌హీరోగా కనిపిస్తాడు.

ఇటీవలి కాలంలో సూపర్‌హీరో చిత్రాలకు ప్రేక్షకుల ఆదరణ తగ్గినా, స్పైడర్‌మ్యాన్ బ్రాండ్‌కు మాత్రం థియేటర్లలో భారీ స్పందన లభిస్తోంది. ఈ సినిమా అడ్వాన్స్ బుకింగ్‌కు వస్తున్న రెస్పాన్స్ కూడా ఆశాజనకంగా ఉంది. జూలై 31న ప్రపంచవ్యాప్తంగా విడుదల కానున్న ఈ చిత్రం హాలీవుడ్ బాక్సాఫీస్‌కు ఊతమిచ్చే అవకాశం ఉంది.