స్పిరిట్ ఇజ్ నాట్ వన్ నిర్మాత: సందీప్ రెడ్డి వంగా టీమ్ మా సినిమా ఆపే ప్రయత్నం చేస్తోంది

స్పిరిట్ ఇజ్ నాట్ వన్ సినిమా నిర్మాత సందీప్ రెడ్డి వంగా టీమ్ పై తీవ్ర ఆరోపణలు చేశారు. తమ సినిమాకు సెన్సార్ సర్టిఫికెట్, అన్ని ప్రభుత్వ అనుమతులు ఉన్నప్పటికీ సందీప్ రెడ్డి వంగా వర్గం ఉద్దేశపూర్వకంగా అడ్డంకులు సృష్టిస్తున్నారని ఆయన వివరించారు. తమకు ఇప్పటికే నోటీసు కూడా వచ్చిందని, మొదటి నోటీసు తర్వాత తమ లాయర్ స్పందించలేదనే ఘటన జరిగిందని చెప్పారు.

తన సినిమాలో దెయ్యాలు, దేవుళ్ళుంటాయని, సందీప్ స్పిరిట్ సినిమా పోలీసు నేపథ్యం అని, రెండు సినిమాలకు సంబంధం లేదని నిర్మాత స్పష్టం చేశారు. ఒకవేళ తన సినిమా విడుదలకు అడ్డంకులు ఎదురైతే, స్పిరిట్ సినిమా విడుదలకు తాము కూడా గట్టిగా ఆటంకం కలిగిస్తామని హెచ్చరించారు. ఈ విషయంలో కోర్టు వరకు వెళ్తామని, లాయర్ సలహాతో తదుపరి చర్యలు తీసుకుంటామని నిర్మాత తెలిపారు.

చిన్న, పెద్ద సినిమాల కోసం వేర్వేరు చాంబర్లు ఏర్పాటు చేయాలని, లేకపోతే ఇటువంటి సమస్యలు వస్తాయని నిర్మాత సూచించారు. తమకు చాలా మంది మద్దతు ఇవ్వాల్సిందే కానీ, భయం వల్ల ఎవరూ ముందుకు రావడం లేదని ఆయన ఈ సందర్భంగా ఆవేదన వ్యక్తం చేశారు.