స్పిరిట్‌లో మరో స్టార్ హీరో నటించనున్నారా? ప్రభాస్ చిత్రంపై ప్రచారం

ప్రభాస్ నటిస్తున్న 'స్పిరిట్' చిత్రంలో మరో ప్రముఖ నటుడు స్పెషల్ పాత్రలో కనిపించనున్నట్లు ప్రచారం జరుగుతోంది. ఈ చిత్రానికి సందీప్ రెడ్డి వంగా దర్శకత్వం వహిస్తున్నారు.

సినిమా రెండో భాగంలో ఈ స్పెషల్ పాత్ర కీలకంగా ఉంటుందని సమాచారం. ఈ పాత్ర కోసం ఓ ప్రముఖ బాలీవుడ్ నటుడిని ఎంపిక చేయాలని సందీప్ రెడ్డి వంగా భావిస్తున్నట్లు వార్తలు వస్తున్నాయి. అయితే ఆ నటుడు ఎవరనేది ఇంకా స్పష్టంగా తెలియలేదు.

ప్రభాస్ ఇందులో పోలీస్ ఆఫీసర్‌గా నటిస్తున్నారు. తృప్తి డిమ్రీ హీరోయిన్‌గా, వివేక్ ఒబెరాయ్ విలన్‌గా నటిస్తున్నారు. సినిమా షూటింగ్ సగం పూర్తయింది. ప్రస్తుతం ప్రభాస్ 'Fauji' సినిమా కోసం బ్రేక్ తీసుకున్నారు. 'Fauji' పూర్తయ్యాక 'Spirit' సెట్స్‌లోకి రానున్నారు.

మ్యూజిక్ సిట్టింగ్స్ హర్షవర్ధన్ రామేశ్వర్‌తో పూర్తయ్యాయి. T-Series, Bhadrakali Pictures సంయుక్తంగా ఈ చిత్రాన్ని నిర్మిస్తున్నాయి. 2027 మార్చి 5న సినిమాను విడుదల చేయాలని యోచిస్తున్నారు.