మంగళసూత్రం ప్రాధాన్యత, సోమవారం విశిష్టతపై ఆధ్యాత్మిక ప్రసంగం

హిందూ ధర్మం ఛానల్ లో ప్రసారమయ్యే ‘శతమానం భవతి’ కార్యక్రమంలో ప్రముఖ జ్యోతిష్యులు, దేవీ ఉపాసకులు కొడకండ్ల శ్రీరామశరణ శర్మ పాల్గొన్నారు. మంగళసూత్రం ధరించడం వల్ల కలిగే ప్రయోజనాలను, తీసివేయడం వల్ల వచ్చే అనర్థాలను గురించి ఆయన వివరించారు.

పార్వతీదేవి, పరమశివుడికి మంగళసూత్రం ఎంత శక్తివంతమో తెలిపే పౌరాణిక కథను శర్మ వివరించారు. త్రిమూర్తులకు అమృతం ఇవ్వాలని జగన్మాత నిర్ణయించిన సందర్భంలో, విషాన్ని ముందుగా తాగాలనే షరతు విధించినప్పుడు, శివుడు విషం తాగేందుకు ముందుకు రాగా, పార్వతి తాను ధరించిన మంగళసూత్రం బలం వల్ల శివుడికి ఏ అపాయమూ కలగదని ధైర్యం చెప్పిందట. ఆ సూత్రం శక్తి వల్లనే విషం కంఠంలో ఆగి శివుడికి ‘గరళకంటుడు’ అనే పేరు వచ్చిందని చెప్పారు. ఈ ఘట్టంలోనే ‘సర్వమంగళ మాంగల్యే’ శ్లోకం పుట్టిందని తెలిపారు.

అదే సమయంలో, సోమవారం ప్రత్యేకతను కూడా వివరించారు. ఆరుద్ర నక్షత్రం, చతుర్దశి, మాస శివరాత్రి, సోమవారం కలిసి రావడం 225 సంవత్సరాల తర్వాత సంభవించిందని, ఇక మున్ముందు ఇలాంటి అరుదైన కలయిక 50 సంవత్సరాల తర్వాతే వస్తుందని శర్మ తెలిపారు. ఈ శుభదినాన శివాలయంలో శివలింగంపై నీళ్లు పోస్తే వంద మహాశివరాత్రుల ఫలితం దక్కుతుందని, సహస్ర చంద్ర దర్శన పుణ్యం లభిస్తుందని ఆయన అన్నారు.

మంగళసూత్రాన్ని ఎట్టి పరిస్థితుల్లోనూ తీసివేయకూడదని, మరణం తప్ప మరెప్పుడూ తీయరాదని శర్మ హెచ్చరించారు. పంచమాంగల్యాలలో (సింధూరం, కుంకుమ, గాజులు, మట్టెలు, మంగళసూత్రం) భాగమైన మంగళసూత్రం భర్త ఆయుష్షును పెంచుతుందని, సీతాదేవి, హనుమంతుడి కథ ద్వారా దీనిని వివరించారు.