శ్రీచైతన్య విద్యాసంస్థల్లో విద్యార్థుల సందేహాలు తీర్చేందుకు ప్రత్యేక విధానం

ప్రముఖ విద్యాసంస్థ శ్రీచైతన్య తమ కోచింగ్ సెంటర్లలో విద్యార్థుల సందేహాలను తక్షణం నివృత్తి చేసేందుకు కొత్త విధానాన్ని అమలు చేస్తోంది. ఇందులో ఫిజికల్ (తరగతి గది) మరియు ఆన్లైన్ యాప్ వ్యవస్థలు ఉన్నాయి.

సందేహాలు అడగటానికి సిగ్గుపడే విద్యార్థుల కోసం లెక్చరర్లకు ప్రత్యేక మార్గదర్శకత్వం ఇస్తున్నారు. ముందుగా విద్యార్థి సామర్థ్యాన్ని అర్థం చేసుకోవడం, ఆపై అతను సమాధానంతో సంతృప్తి చెందాడో లేదో పరీక్షించడం జరుగుతుంది. అదనంగా విద్యార్థి ఆన్లైన్ ప్లాట్ఫామ్‌లో అదే ప్రశ్నకు సంబంధించిన వివరణ చూసే అవకాశం కూడా కల్పిస్తారు.

విద్యార్థి స్పష్టత పొందిన తర్వాత, ఆ అంశంపై ఒక చిన్న పరీక్ష తీసుకోవడం జరుగుతుంది. ఈ పరీక్షల కోసం సంస్థ వద్ద ప్రతి సబ్జెక్టుకు 6 నుండి 10 లక్షల వరకు వివిధ రకాల ప్రశ్నలు ఉన్నాయని, విద్యార్థి స్థాయికి తగినట్లు ప్రశ్నపత్రం సిద్ధం చేస్తారని ప్రతినిధి తెలిపారు.