హైదరాబాద్ సమీపంలో అర్ధరాత్రి పోలీసుల కాల్పులు: నిందితుడి కాలికి బుల్లెట్ గాయం

హైదరాబాద్ శివార్లలోని ఆదిభట్ల బొంగళూరు ప్రాంతంలో అర్ధరాత్రి నల్గొండ జిల్లా సీసీఎస్ పోలీసులు కాల్పులు జరిపారు. నిందితుడు శ్రీకాంత్ను పట్టుకునే ప్రయత్నంలో ఈ సంఘటన జరిగింది.

పోలీసుల సమాచారం ప్రకారం, శ్రీకాంత్పై ఆంధ్రప్రదేశ్, తెలంగాణ రాష్ట్రాల్లో 30కి పైగా కేసులు ఉన్నాయి. 2007లో గుంటూరు జిల్లా నరసాపురంలో టౌన్ కానిస్టేబుల్ను హత్య చేసిన కేసులో కూడా అతను నిందితుడు.

నల్గొండ జిల్లాలో దొంగతనం కేసులో శ్రీకాంత్ను పట్టుకోవడానికి పోలీసులు గత వారం రోజులుగా ప్రయత్నిస్తున్నారు. అతను గుంటూరు నుండి డీసీఎం వ్యాన్లో పారిపోతున్నట్టు సమాచారం రావడంతో, బంగళూరు వద్ద వాహనాన్ని అడ్డుకున్నారు.

వాహనం ఆపగా శ్రీకాంత్ ఇనుప రాడ్తో సీసీఎస్ హెడ్ కానిస్టేబుల్ విష్ణుపై దాడి చేశాడు. దీంతో విష్ణు తలకు గాయమైంది. తప్పించుకునే ప్రయత్నం చేస్తుండగా పోలీసులు అతని కాలిపై కాల్పులు జరిపారు.

గాయపడిన శ్రీకాంత్ను వనస్థలిపురం ఏరియా ఆసుపత్రికి తరలించి చికిత్స అందించారు. ఘటనాస్థలాన్ని క్రూస్ టీం పరిశీలించింది. ఈ కేసులో దర్యాప్తు కొనసాగుతోంది.