శ్రీశైలం దసరా నవరాత్రి ఉత్సవాలు అక్టోబర్ 11 నుంచి ప్రారంభం

శ్రీశైలం మల్లిఖార్జున స్వామి ఆలయంలో దసరా నవరాత్రి ఉత్సవాలు అక్టోబర్ 11న ప్రారంభమవుతాయి. అక్టోబర్ 20 విజయదశమి వరకు పది రోజుల పాటు ప్రత్యేక అలంకారాలు, వాహన సేవలు జరుగుతాయి.

ఆలయ అధికారుల సమాచారం ప్రకారం నవరాత్రుల సందర్భంగా శ్రీ భ్రమరాంబా దేవి రోజుకో అలంకారంలో భక్తులకు దర్శనం ఇస్తారు. మల్లిఖార్జున స్వామి, అమ్మవారి ఉత్సవ మూర్తులకు రోజూ వాహన సేవ నిర్వహిస్తారు.

తేదీల వారీ షెడ్యూల్: అక్టోబర్ 11న శైలపుత్రి అలంకారం, భృంగి వాహన సేవ. అక్టోబర్ 12న బ్రహ్మచారిణి అలంకారం, మయూర వాహన సేవ. అక్టోబర్ 13న చంద్రఘంట అలంకారం, రావణ వాహన సేవ. అక్టోబర్ 14న కూష్మాండ దుర్గ అలంకారం, శేష వాహన సేవ. అక్టోబర్ 15న స్కందమాత అలంకారం, కైలాస వాహన సేవ.

అక్టోబర్ 16న కార్త్యాయిని అలంకారం, హంస వాహనం, పుష్ప పల్లకీ సేవ. అక్టోబర్ 17న కాళరాత్రి అలంకారం, గజ వాహనం. అక్టోబర్ 18న మహాగౌరీ అలంకారం, నంది వాహనం. అక్టోబర్ 19న సిద్ధిదాయిని అలంకారం, కైలాస వాహనం. అక్టోబర్ 20న విజయదశమి రోజు శ్రీ భ్రమరాంబా దేవి దర్శనం, నంది వాహన సేవతో ఉత్సవాలు ముగుస్తాయి.

నవరాత్రి ఉత్సవాల కోసం భక్తులు పెద్ద సంఖ్యలో శ్రీశైలానికి చేరుకోనున్నారు.