ఎస్ఎస్ రాజమౌళి 'వారణాసి' ఒకే భాగంగా రానుంది – 2027 ఏప్రిల్ 7న విడుదల

దర్శకుడు ఎస్ఎస్ రాజమౌళి తన తాజా చిత్రం 'వారణాసి' ని రెండు భాగాలుగా కాకుండా ఒకే భాగంగా నిర్మించాలని నిర్ణయించుకున్నట్లు తెలుస్తోంది. ఇటీవల ఈ సినిమాకు సీక్వెల్ ఉంటుందనే ప్రచారం జరిగింది, కానీ రాజమౌళి ఆ ఆలోచనను పూర్తిగా పక్కన పెట్టి, స్క్రిప్ట్ ను ఒకే భాగంలో ముగించేలా సిద్ధం చేస్తున్నారు.

బాహుబలి తర్వాత పాన్-ఇండియా సినిమాలు బహుళ భాగాలుగా విడుదల కావడం ట్రెండ్‌గా మారింది. వారణాసి కూడా రెండు భాగాలు కావొచ్చనే చర్చ నడిచింది. అయితే, షూటింగ్ జెట్ స్పీడ్‌తో కొనసాగుతుండగా, ఇంకా 80 రోజుల షూట్ మాత్రమే మిగిలి ఉన్నందున రెండు భాగాలు ఉండే అవకాశం లేదని తెలుస్తోంది.

ఈ చిత్రాన్ని 2027 ఏప్రిల్ 7 న ప్రపంచవ్యాప్తంగా విడుదల చేయాలని నిర్మాతలు ప్లాన్ చేస్తున్నారు. హాలీవుడ్ స్థాయిలో అంతర్జాతీయ రిలీజ్ చేయడానికి సన్నాహాలు జరుగుతున్నాయి. నటుడు మహేష్ బాబు ఈ చిత్రంలో కొత్త అవతారంలో కనిపించనున్నారు. వారణాసి తర్వాత తన నెక్స్ట్ ప్రాజెక్ట్‌పై ఆయన దృష్టి పెట్టారు.