Success School లో ఖురాన్ పాఠాలు తప్పనిసరి; తల్లిదండ్రుల ఆగ్రహం

Success School లో మతపరమైన వివాదం నెలకొంది. ఈ స్కూల్లో ముస్లిమేతర విద్యార్థులకు ఖురాన్ లోని కొన్ని సూక్తులు, ప్రార్థనలు తప్పనిసరి చేశారని ఓ తల్లిదండ్రి ఆరోపించారు.

తల్లిదండ్రి మాట్లాడుతూ, 'ఇది మతపరమైన ఆచారమని, తప్పనిసరి అని స్కూల్ యాజమాన్యం చెప్పారు. కానీ ఇది ముస్లిమేతర చిన్నారులపై మతాన్ని రుద్దే ప్రయత్నం. పిల్లలందరికీ అన్ని మతాల పుస్తకాలు తప్పనిసరి చేయాలి, లేదా ఏ మతాన్నీ బలవంతం చేయవద్దు' అని అన్నారు.

స్కూల్ యాజమాన్యం మొదట ఇది 'సబ్జెక్ట్' అని చెప్పిందని, తర్వాత పొరపాటు జరిగిందని అన్నట్లు తల్లిదండ్రి తెలిపారు. అయితే పదేపదే ఇలాంటి నోట్స్ రాయడం వల్ల ఉద్దేశపూర్వకంగా చేశారని అనుమానం వ్యక్తం చేశారు.

ఈ విషయంపై స్కూల్ యాజమాన్యం అధికారికంగా స్పందించలేదు. మతాన్ని విద్యార్థులపై బలవంతంగా రుద్దడం తగదని, విద్యాసంస్థలు నాణ్యమైన విద్య మాత్రమే అందించాలని తల్లిదండ్రి సూచించారు.