సుమంత్: 'న్యూటన్స్ 3rd లా' సినిమాలో ఎవరూ ఊహించని సీన్ ఉంది

నటుడు సుమంత్ తన రాబోయే సినిమా 'న్యూటన్స్ 3rd లా' గురించి ఆసక్తికర విషయాలు వెల్లడించారు. ఈ చిత్రాన్ని రాజేష్ అనే కొత్త దర్శకుడు తెరకెక్కిస్తున్నారు.

టైటిల్ గురించి మాట్లాడుతూ, మొదట ఇది కొంత వింతగా అనిపించినా, కథ విన్నాక దీనికంటే సరైన టైటిల్ లేదని ఆయన అన్నారు. ఇది ఒక ఇన్వెస్టిగేటివ్ థ్రిల్లర్, డ్రామా థ్రిల్లర్ లాంటిదని, అయితే ఫ్యామిలీ ఎలిమెంట్స్ ఎక్కువగా ఉంటాయని చెప్పారు. ఈ సినిమాను ఈటీవీ విన్ నిర్మించింది.

సుమంత్ తాను స్క్రిప్ట్ పూర్తిగా చదివాకే సినిమా చేయాలని నిర్ణయించుకున్నానని తెలిపారు. ఈ సినిమా కోసం రెండు గంటల నిడివితో కూడిన స్క్రిప్ట్ ను దర్శకుడు చాలా స్పష్టతతో వివరించాడని చెప్పారు. గత 10 ఏళ్లలో ఒకే సిట్టింగ్‌లో ఓకే చెప్పిన రెండో సినిమా ఇదేనని తెలిపారు. 2017లో వచ్చిన 'మళ్లీ రావా' సినిమా కూడా ఇదే విధంగా ఒకే సిట్టింగ్‌లో ఓకే చేశానని గుర్తు చేశారు.

'న్యూటన్స్ 3rd లా' సినిమాలో ఎవరూ ఊహించని, ఏ పుస్తకంలోనూ రాయని ఒక సన్నివేశం ఉందని సుమంత్ హామీ ఇచ్చారు. ట్విస్ట్ లు, హై వోల్టేజ్ సీన్లతో ఈ చిత్రం ప్రేక్షకులను ఆశ్చర్యపరుస్తుందని ఆయన అన్నారు.