కర్ణ కథతో మైథలాజికల్ సినిమాలో నటించనున్నారా? సూర్య ప్రాజెక్టుపై మళ్లీ చర్చలు

నటుడు సూర్య మహాభారతం ఆధారంగా రూపొందే మైథలాజికల్ సినిమాలో కర్ణ పాత్రలో నటించే అవకాశం ఉంది. ఈ ప్రాజెక్టుకు బాలీవుడ్ దర్శకుడు ఓం ప్రకాష్ మెహరా దర్శకత్వం వహించనున్నారు.

కర్ణ కథను కొత్త కోణంలో చూపించేందుకు సినిమాను రెండు భాగాలుగా ప్లాన్ చేస్తున్నట్టు సమాచారం. గత రెండేళ్లుగా ఈ ప్రాజెక్టుపై చర్చ కొనసాగుతోంది.

కొంతకాలం ఈ ప్రాజెక్టుపై ఎలాంటి అప్డేట్ లేకుండా పోయింది. ఇటీవల మళ్లీ చర్చలు ప్రారంభమయ్యాయి. సూర్య ప్రస్తుతం జీతు మాధవన్ దర్శకత్వంలో మరో సినిమా చేస్తున్నారు.

ఆ సినిమా పూర్తయిన తర్వాత ఈ ప్రాజెక్టు సెట్స్ పైకి వెళ్లే అవకాశం ఉందని తెలుస్తోంది. ఈ విషయంపై అధికారిక ప్రకటన రావాల్సి ఉంది.