తమిళ డబ్బింగ్ సినిమాలకు తెలుగు రాష్ట్రాల్లో భారీ వసూళ్లు

తమిళ చిత్రాలకు డబ్బింగ్ చేసి తెలుగులో విడుదల చేసిన సినిమాలు తెలుగు రాష్ట్రాల్లో ఎక్కువ వసూళ్లు సాధిస్తున్నాయి. ప్రయోగాత్మక కథలు, ఎమోషనల్ కంటెంట్ ఉన్న సినిమాలకు ఈ ట్రెండ్ ఎక్కువగా కనిపిస్తోంది.

బిచ్చగాడు సినిమా తమిళంలో రూ.15 కోట్లు వసూలు చేయగా, తెలుగులో రూ.25 కోట్లకు పైగా వసూలు చేసింది. ప్రస్తుతం కొన్ని డబ్బింగ్ సినిమాలు తమిళంలో 30 నుంచి 40 శాతం మాత్రమే వసూలు చేస్తుండగా, మిగతా 60 శాతం వసూళ్లు తెలుగు రాష్ట్రాల నుంచే వస్తున్నాయి.

ఇటీవలి కాలంలో కొన్ని చిత్రాలు తమిళంలో సగటు ఫలితం ఇచ్చినా తెలుగులో బ్లాక్‌బస్టర్‌లుగా నిలిచాయి. ప్రమోషన్లు పెద్దగా లేకపోయినా మౌత్ టాక్ ద్వారానే తమిళ సినిమాలకు తెలుగు ప్రేక్షకుల నుంచి మంచి వసూళ్లు లభిస్తున్నాయి. కోలీవుడ్ నిర్మాతలు తమ సినిమాలను తమిళంతో పాటు తెలుగులోనూ సమానంగా ప్రమోట్ చేస్తున్నారు.