లంచం తీసుకుంటూ వైరల్: TVK నేతపై సీఎం విజయ్ వేటు

తమిళనాడు ముఖ్యమంత్రి విజయ్, లంచం తీసుకుంటున్న వీడియో వైరల్ అయిన నేపథ్యంలో తన పార్టీ టీవీకే నేత ఎన్. వీరా (వీరస్వామి)ని ప్రాథమిక సభ్యత్వం నుంచి సస్పెండ్ చేశారు.

చెంగల్పట్టు జిల్లా తిరుపోరూరు నియోజకవర్గం మాంబక్కం పంచాయతీలో సుమారు రూ.9.80 లక్షలతో సిమెంట్ రోడ్డు నిర్మాణం పూర్తి చేసిన కాంట్రాక్టర్ నవీన్, బిల్లులు క్లియర్ కాకపోవడంతో టీవీకే నేత వీరస్వామిని సంప్రదించాడు.

వీరస్వామి మొదట రూ.లక్ష డిమాండ్ చేసి, రూ.75వేలకు ఒప్పందం కుదుర్చుకున్నారు. నవీన్ గూగుల్ పే ద్వారా రూ.50,000 చెల్లించాడు. తర్వాత మరో రూ.2 లక్షలు డిమాండ్ చేయగా, రూ.1.30 లక్షలకు రెండో ఒప్పందం కుదిరింది. నవీన్ మిగతా రూ.50,000 గూగుల్ పే ద్వారా, రూ.30,000 నగదుగా అందించాడు.

ఈ లంచం ఇస్తున్న దృశ్యాలు రహస్యంగా వీడియో రికార్డు అయి, సోషల్ మీడియాలో వైరల్ అయ్యాయి. విమర్శలు రావడంతో వీరస్వామి, కాంట్రాక్టర్ డీఎంకే మద్దతుదారుడని, తనపై కుట్ర జరిగిందని, డబ్బు తిరిగిచ్చానని సమర్ధించుకున్నారు. వీడియో ఆధారాలతో విషయం సీఎం విజయ్ దృష్టికి వెళ్లగా, వెంటనే వీరస్వామిని పార్టీ నుంచి సస్పెండ్ చేశారు. ఈ నిర్ణయాన్ని కొందరు స్వాగతించగా, ప్రతిపక్షాలు స్టంట్గా విమర్శించాయి.