నెల్సన్ మండేలా దినోత్సవం సందర్భంగా సౌత్ ఆఫ్రికాలో తెలుగు సంఘం TASA కు సత్కారం

దక్షిణాఫ్రికాలోని తెలుగు సంఘం TASA (తెలుగు అసోసియేషన్ ఆఫ్ సౌత్ ఆఫ్రికా) నెల్సన్ మండేలా దినోత్సవం సందర్భంగా సత్కారం అందుకుంది. గత 10 ఏళ్లుగా న్యూ జెరూసలేం స్కూలుకు TASA అందిస్తున్న సేవలు, సహాయ కార్యక్రమాలను ఈ సందర్భంగా గుర్తించారు.

ప్రతి ఏడాది మండేలా డే సందర్భంగా TASA సభ్యులు స్థానిక పిల్లలకు, పాఠశాలకు సాయం చేస్తారు. తమ వద్ద ఉన్న నిధులు, సమాజ సహకారంతో ఈ చారిటీ కార్యక్రమాలు నిర్వహించడం TASA ప్రధాన లక్ష్యాల్లో ఒకటి.

TASA ప్రతినిధి మాట్లాడుతూ, 'మా సంస్థ సంస్కృతిని పరిచయం చేయడంతో పాటు సమాజానికి తిరిగి ఇవ్వడం మా ప్రధాన ఉద్దేశం' అని తెలిపారు. ఈ కార్యక్రమంలో భారత కాన్సులేట్ జనరల్ ప్రతినిధులు కూడా పాల్గొన్నారు.

నెల్సన్ మండేలా ఫౌండేషన్ ఆధ్వర్యంలో ఏటా జరిగే ఈ సేవా కార్యక్రమాల్లో TASA చేస్తున్న కృషి స్థానిక సమాజంలో ప్రశంసలు పొందుతోంది.