సంధ్యా సమయంలో తథాస్తు దేవతలు సంచరిస్తారని శాస్త్ర గ్రంథాల వివరణ

హిందూ ధార్మిక గ్రంథాల ప్రకారం సంధ్యా సమయంలో తథాస్తు దేవతలు సంచరిస్తారు. తథాస్తు అంటే 'అది జరుగుగాక' అని అర్థం. ఈ దేవతలు సూర్యుడు, సంధ్యా దేవతలతో కలిసి బంగారు రథంపై ప్రయాణిస్తారని గ్రంథాలు పేర్కొంటున్నాయి.

తథాస్తు దేవతలనే అశ్వినీ దేవతలు అంటారు. వీరు సంధ్యా సమయంలో ఇంటి చుట్టూ సంచరిస్తుంటారని భక్తుల విశ్వాసం. ఈ సమయంలో శుభప్రదమైన మాటలు మాట్లాడాలని, చెడు మాటలు మాట్లాడకూడదని సూచించారు.

సంధ్యా సమయంలో హారర్ సినిమాలు చూడటం, హింసాత్మక కార్యక్రమాలు వినడం మంచిది కాదని ఈ గ్రంథాల వివరణ. బదులుగా భక్తి పాటలు వినాలని చెప్పారు. అప్పుడు లక్ష్మీదేవి అనుగ్రహం లభిస్తుందని ఆధ్యాత్మిక వివరణలో తెలిపారు.