తెలంగాణలో 5000 పోలీసు ఉద్యోగాల భర్తీకి ప్రభుత్వం ఆమోదం

తెలంగాణ ప్రభుత్వం 5,000 పోలీసు ఉద్యోగాల భర్తీకి ఆమోదం తెలిపింది. ఆర్థిక శాఖ అనుమతులు లభించిన తర్వాత ప్రభుత్వం ఈ నిర్ణయం తీసుకుంది.

మరో 2,000 పోస్టుల భర్తీకి త్వరలో ఉత్తర్వులు జారీ కానున్నాయి. మొత్తం 7,000 పోస్టులు భర్తీ చేయాలని ప్రభుత్వం భావిస్తోంది. ఈ పోస్టుల్లో ఎస్పీఎఫ్, జైళ్లు, అగ్నిమాపక శాఖల పోస్టులు ఉంటాయని అధికారులు తెలిపారు.

తెలంగాణ పోలీస్ నియామక మండలి ఒకటి రెండు రోజుల్లో ఉద్యోగాల నోటిఫికేషన్ విడుదల చేయనుంది. ఇది రాష్ట్రం ఏర్పడిన తర్వాత నాలుగో నోటిఫికేషన్ కాగా, 2015లో 9,281 పోస్టులు, 2018లో 17,502 పోస్టులు, 2022లో 16,198 పోస్టులకు నోటిఫికేషన్ వచ్చింది.

హోమ్ శాఖ ఉద్యోగాల భర్తీ కోసం నిరుద్యోగులు ఆందోళన చేస్తున్న నేపథ్యంలో ఈ నిర్ణయం ప్రాధాన్యత సంతరించుకుంది.