తెలంగాణ ప్రభుత్వం సినిమా టికెట్ ధరలకు కొత్త పరిమితులు విధించింది

తెలంగాణ ప్రభుత్వం సినిమా టికెట్ ధరలకు సంబంధించి కొత్త ఆదేశాలు జారీ చేసింది. థియేటర్లను AC, నాన్ AC, ప్రీమియం, నాన్ ప్రీమియం కేటగిరీలుగా విభజించింది. ఇకపై యాజమాన్యాలు తమ ఇష్టం వచ్చినట్టు రేట్లు పెంచడానికి వీలుండదు.

నాన్ AC నాన్ ప్రీమియం టికెట్ ధర ₹30 నుంచి ₹70 వరకు ఉంటుంది. నాన్ AC ప్రీమియం టికెట్ ₹50 నుంచి ₹100 వరకు ఉంటుంది. AC నాన్ ప్రీమియం టికెట్ ₹50 నుంచి ₹150 వరకు, AC ప్రీమియం టికెట్ ₹100 నుంచి ₹200 వరకు నిర్ణయించారు.

స్పెషల్ థియేటర్లలో నాన్ ప్రీమియం టికెట్ ధర ₹100 నుంచి ₹250 వరకు ఉంటుంది. మొత్తంగా నాన్ AC థియేటర్లలో ₹30 నుంచి ₹100 వరకు, AC థియేటర్లలో ₹50 నుంచి ₹200 వరకు టికెట్ రేట్లు వర్తిస్తాయి.

ఈ ఆదేశాల్లో టికెట్ రేట్లతో పాటు థియేటర్ నిర్వహణ, ఆపరేషన్ నిబంధనలు కూడా ఉన్నాయి. కొత్త రేట్లను థియేటర్లలో ఎలా అమలు చేస్తారనేది చూడాలి.